मोरङ । मादक पदार्थ सेवन गरेर मातेको सुरुमा ससुराको घाँटीमा हतियार प्रहार गरेको पक्राउ परेका रबिन राईले सुरुवाति बयान दिएका छन् ।
मोरङको पथरीशनिश्चरे ७ का ६१ वर्षिय चन्द्रबहादुर तामाङ असोज ५ गते विहान धारिलो हतियार प्रहार गरी आफ्नै घरमा मरेको अवस्थामा फेला परेका थिए ।
सोही रातदेखि ज्वाँइ रविन राई फरार थिए । २७ बर्षिय रबिन घट्ना भएको २४ घण्टा नबित्दै इलाका प्रहरी कार्यालय पथरीले धनकुटाको सहिदभूमि ७ आहाले पुगेर फिर्दै गर्दा मुलघाटबाट पक्राउ गरेका थिए ।
पक्राउ परेको राईलाई जिल्ला प्रहरी कार्यालय मोरङका एसपी नवराज कार्की टोली सोमबार पथरीशनिश्चरे मै आएर पत्रकार सम्मेलनको आयोजना गरेर सार्वजनिक गरेका हुन् । अभियुक्त सार्वजनिक कार्यक्रममा पथरीशनिश्चरे नगर प्रमुख मोहन तुम्बापो, इलाका प्रहरी कार्यालय पथरीका प्रमुख डीएसपी मोहनविक्रम दाहाल लगायतको उपस्थिति रहेको थियो ।
यस्तो छ, रबिनको प्रारम्भिक बयान
प्रहरी प्रमुख एसपी नवराज कार्की र डीएसपी मोहनविक्रम दाहालका अनुसार ससुरा चन्द्र तामाङ र ज्वाँइ रबिन राईको समान्य झगडा बेला बेलामा भइरहेकोे हुन्थ्यो । झगडा भइरहने हुँदा छिमेकीहरुले पनि खास वास्ता गर्दैन थिए ।
तामाङकी श्रीमती, छोरी (रविनको श्रीमती), छोरा वैदेशिक रोजगारीमा छन् ।
प्रहरीको अनुसार असोज ४ गते (सुक्रबार) करिव ७ बजे ससुरा, ज्वाँइको हात हालाहाल भयो । यसै क्रममा बम्फकले घाँटी, घाँटीमा काटेर हिडेको रविनले सुरुवाति बयान दिएको एसपी नवराज कार्कीले बताए ।
ससुरालाई काटेर हिडेर मुख्य सडक आएपछि ट्रकमा चढेर इटहरी पुगेर त्यहाँ सडकमै रात विताएको विहान गाडी चढेर धनकुटा मुलघाट पुगेको वयान दिएका छन् । मुलघाटबाट करिव १६ किलो मिटर हिडेर सहिदभूमि—७ आहाले (आफन्तको घर)ं पुगेर फेरि फर्केर आउँदै गर्दा प्रहरीले पक्रेको विवरण छ । रविनलाई कर्तव्य ज्यान मुद्धा दर्ता गरेर म्याथ थपेर अनुसन्धान भइरहेको जिल्ला प्रहरी प्रमुख एसपी नवराज कार्कीले बताए ।
ससुरालाई काटेर यस्तो बनाएका थिए
